ដើម្បីទទួលបានជោគជ័យក្នុងតួនាទីនេះ ជាទូទៅ CEO ត្រូវការជំនាញនិងគុណសម្បត្តិដូចខាងក្រោមៈ

១- ជំនាញភាពជាអ្នកដឹកនាំ៖ CEO ត្រូវតែបង្ហាញភាពជាអ្នកដឹកនាំដែលចាំបាច់ដើម្បីធ្វើឱ្យបេសកកម្មរបស់អង្គភាពទទួលបានជោគជ័យ។ នេះរួមបញ្ចូលទាំងការផ្តល់ ទិសដៅ ចក្ខុវិស័យដែលអាចទាក់ទាញដល់អ្នកដើរតាមនិងគ្រប់ភាគីទាំងអស់ តាមរយៈការបង្ហាញពី ទិដ្ឋភាពគ្រប់ជ្រុងជ្រោយ ដើម្បី ឲ្យភាពជាអ្នកដឹកនាំរបស់ខ្លួនទទួលបានជោគជ័យ។

២- ជំនាញធ្វើផែនការអាជីវកម្ម និងជំនាញវិភាគរបាយការណ៍ហិរញ្ញវត្ថុ៖ CEO ត្រូវរៀបចំផែនការឱ្យបានល្អនិងល្អិតល្អន់ និងត្រូវប្រាកដថាគោលដៅយុទ្ធសាស្ត្រនីមួយៗអាចវាស់វែងបានដោយផ្អែកលើតួលេខហិរញ្ញវត្ថុ និងទិន្នន័យមិនមែនហិរញ្ញវត្ថុចេញពីការវិភាគរបាយការណ៍អាជីវកម្ម របស់ខ្លួន។ ពួកគេ

ត្រូវចូលរួមវាយតម្លៃពីភាពជោគជ័យ និងការសំរេចគោលដៅរបស់អង្គការ។

៣- ជំនាញអន្តរបុគ្គល(Interpersonal skills)៖ នាយកប្រតិបត្តិចាំបាច់ត្រូវបង្កើតទំនាក់ទំនងល្អជាមួយអ្នកដឹកនាំដទៃទៀតនៅក្នុងក្រុមហ៊ុន និងទទួលបានពត៌មានគ្រប់ជ្រុងជ្រោយពីគ្រប់ផ្នែក ដើម្បីធ្វើការសម្រេចចិត្ត មិនស្ទាក់ស្ទើរឬមិនរួញរាទាក់ទងនឹងការសម្រេចចិត្តគោលដៅនិងទិសដៅយុទ្ធសាស្ត្រ។

៤- ជំនាញគ្រប់គ្រង៖ CEO ជាអ្នករៀបចំគូសវាសនូវនីតិវិធីធ្វើការក្នុងស្ថប័នទាំងមូល (Standard Operating Process-SOP)។ CEO ទទួលខុសត្រូវក្នុងការបង្កើតវប្បធម៌នៃការបន្តរៀនសូត្រដើម្បីជួយលើកកម្ពស់និងបង្កើនជំនាញនិងសមត្ថភាពរបស់និយោជិក។ នៅពេលដែលអ្នកអនុវត្តន៍កិច្ចការក្រុមហ៊ុនសំខាន់ៗបន្តរៀននោះនឹងមានភាពរីកចម្រើន ហើយអង្គភាពក៏នឹងទទួលបានជោគជ័យពិតប្រាកដ។

ដូច្នេះ CEO ត្រូវមានជំនាញច្បាស់លាស់ និងមានសម្មត្ថភាពគ្រប់គ្រាន់ព្រោះពួកគេជាអ្នកកាច់ចង្កូតក្រុមហ៊ុនទាំងមូល បើកត្រូវផ្លូវឬបើកធ្លាក់ជ្រោះ៕

អត្ថបទដោយ៖

លោកគ្រូទីតូ

ឯកទេសយុទ្ធសាស្ត្រធុរកិច្ចអាជីព

Certified ACCA UK